काठमाडौँ । नेपाल वायुसेवा निगमलाई कौडीको भाउमा निजीकरण गर्न लागेको भन्दै आन्दोलित कर्मचारीले आन्दोलन जारी राखेको छ । निगममा कार्यरत कर्मचारीले आज शुक्रबार पनि आन्दोलन गरेका हुन् ।

कर्मचारीले निगमलाई निजीजकरण गर्ने निर्णय फिर्ता नहुँदासम्म आन्दोलन जारी राख्ने बताउँदै आएका छन् । कर्मचारीले निगमका महाप्रबन्धक डिम प्रकाश पौडेलको राजीनामा माग गरेका छन् ।

सरकारको स्वामित्वमा रहेको निगमलाई कौडीको भाउमा बेचेर निजीकरण गर्नका लागि कम्पनीको प्रबन्ध पत्र र नियमावलीको मस्यौदासमेत तयार पारिसक्दा महापबवन्धक पौडेल चुप लागेर बसेको भन्दै कर्मचारीहरू पौडेलप्रति आक्रोशित भएका हुन् ।