काठमाडौं । आज २०७८ साल आषाढ महिनाको २८ गते सोमबार, आषाढ शुक्लपक्षको द्वितीया तिथि, उप्रान्त तृतीया तिथि रहेको छ । अब लागौं आजको राशिफलतर्फ

मेष
बोलीमा कडापना हुने भएकाले संयमित रहनु होला । शारीरिक कमजोरीले सताउने छ । खासगरी पैतृक सम्पत्तिका विषयमा झैझगडा उत्पन्न हुने छ । पेशागत जीवन भने सकारात्मक रहने छ । आम्दानीमा थोरै बृद्धि हुने छ ।

वृष
भाग्यको बलियो साथ रहेकाले पेशागत जीवनमा लाभ मिल्ने छ । कमाईमा बृद्धि हुने छ । यात्राका विषयमा अवरोधहरु उत्पन्न हुन पुग्ने छ । दृढ खालको व्यक्तित्व हुँदा हुँदै पनि आक्रोशले भरिएको व्यक्तित्व हुने हुँदा व्यक्तित्वमा ह्रास आउने छ ।

मिथुन
पेशागत क्षेत्र औसत अवस्थामा रहने छ । बोलीको प्रभावकारीतामा कमि आउने छ । परिवारका सदस्यहरु बीच बादबिबाद र तनाव देखा पर्ने छ । आत्मबलले भरिएको व्यक्तित्व हुने छ । चलाखपनामा पनि बृद्धि देखा पर्ने छ ।

कर्कट
बोली प्रभावकारी नहुने भएकाले बोलीको प्रयोग संयमित भएर गर्ने तर्फ ध्यान दिनु होला । शारीरिक कमजोरीले सताउने छ । मनोबलमा पनि गिरावट आउने हुँदा दृढताको अभाव हुने छ । पेशागत जीवनमा पनि अस्थिरता उत्पन्न हुन पुग्ने छ ।

सिंह
धैर्य भएर कदमहरु चाल्नु पर्ने समय रहेको छ । लक्ष्य प्राप्तिमा केन्द्रीत हुन खोज्ने स्वाभाव भने देखा पर्ने छ । साझेदारीमा गरिएका कामहरुमा पनि बिबाद उत्पन्न हुन जाने छ । पेशागत क्षेत्रमा विभिन्न उचारचढावको सामना गर्नु पर्ने भएकाले संयमित भई पाइला चाल्नु होला ।

कन्या
प्रभावकारी बोली हुने छ । भाग्य बलियो रहेका कारण सकारात्मक नतिजाहरु प्राप्त हुने छन् । जसको प्रयोगबाट पेशागत उन्नतिमा मद्धत पुग्ने छ । आफ्नो पेशाप्रति समर्पित हुन मन लाग्ने छ । आम्दानीमा झिनो बृद्धि देखा पर्ने छ ।

तुला
पेशागत जीवनमा आँकलन नगरिएका समस्याहरु देखा पर्ने भएकाले संयमित रहनु होला । धेरै जोखिम उठाउने भन्दा औसत अवस्थालाई सन्तुलित बनाई राख्न खोज्नु नै बुद्धिमानी देखिन्छ । स–साना विषयमा जुध्दाजुध्दै उर्जा खेर जाने हुँदा शारीरिक र मानसिक थकानको अनुभुति बढि हुन पुग्ने छ ।

वृश्चिक
बाणिको प्रभावकारीतामा गिरावट आउने छ । मनमा निराशाले सताउने छ । धेरै जोखिम मोल्ने समय देखिँदैन् । स–सानो विषयलाई पनि अत्यन्त संवेदनशिल ढंगले लिने हुँदा मनमा त्यसको नकारात्मक असर पर्न जाँदा खिन्नताको मात्रा बढ्न पुग्ने छ । पेशागत र व्यावसायिक जीवन औसत अवस्थामा रहने छ ।

धनु
धेरै जोखिम भन्दा भई रहेका कामहरुलाई धान्ने तर्फ शक्ति केन्द्रीत गर्नु उपयुक्त हुने छ । संयमित भएर पाइला चाल्ने बेला रहेको छ । मनमा दुविधा र अन्योलताले सताउने छ । साझेदारीमा गरिएका कामहरुबाट शुभ परिणामहरु प्राप्त हुने छ । पेशागत जीवनबाट पनि केही सकारात्मक नतिजाहरु देखा पर्दा सन्तोष मिल्ने छ ।

मकर
आँटिलो खालको व्यक्तित्व बन्ने छ । तर रिस नियन्त्रणमा ध्यान नदिए उक्त क्षमता प्रतिकुल नतिजामुखि बन्न पुग्ने छ । कमाईका विषयलाई लिएर मनमा चिन्ता र भय पैदा हुन पुग्ने छ । पेशागत जीवन औसत प्रकृतिको रहने देखिन्छ । पेशागत र व्यावसायिक कार्यका लागि धेरै जोखिम नमोल्नु उपयुक्त हुने छ ।

कुम्भ
पेशागत र व्यावसायिक जीवनमा धैर्यतापूर्वक पाइला चाल्नु होला । बौद्धिक व्यक्तित्व हुने भएकाले अरुले सम्मानित तरीकाले हेर्ने छन् । तर आफ्नो मनमा भने निकै दुविधार र अन्योलताले सताई रहने छ । प्रतिष्पर्धात्मक क्षमतामा कमि आउने छ । जसले गर्दा बुझ्दा बुझ्दै पनि जुध्नु पर्ने विषयमा जुध्ने तागत आउने छैन् ।

मीन
बोली प्रभावकारी हुने भएकाले चाहेका कामहरु अघि बढाउन मद्धत पुग्ने छ । आम्दानीमा हल्का बृद्धि हुने छ । तर भाग्यको बलियो साथ नरहेकाले कतिपय स–साना जस्ता लाग्ने र छिट्टै अघि बढ्ने ठानिएका विषयमा उल्झनहरु देखा पर्दा मनमा खिन्नता देखा पर्न जाने छ । पेशागत क्षेत्रमा अस्थिरताहरु एकपछि अर्काे गरि आउने छन् ।