काठमाडौँ । निवर्तमान प्रधानमन्त्री तथा नेकपा एमालेका अध्यक्ष केपी शर्मा ओलीले आज बुधबार सरकारी निवास बालुटार छाड्ने भएका छन् । यस क्रममा उनको स्वागतका लागि एमाले कार्यकर्ताहरू बालुवाटारमा भेला हुन थालेका छन् ।

सयौँ गाडी र हजारौँ मोटरसाइकल र्‍यालीमार्फत स्कर्टिङ गरी बालुवाटारदेखि निजी निवास बालकोटसम्म पुर्‍याउन कार्यकर्ताहरू भेला भएका हुन् ।

हिजो मंगलबार एमाले नेता महेश बस्नेतले ओलीको स्वागत गर्न बालुवाटारमा भेला हुन कार्यकर्तालाई आह्वान गरेका थिए ।

गत असार २८ गते सर्वोच्च अदालतले प्रतिनिधिसभा पुनःस्थापित गर्दै प्रधानमन्त्रीमा शेरबहादुर देउवालाई नियुक्त गर्न परमादेश दिएसँगै ओली पदमुक्त भएका हुन् ।