काठमाडाैं । केपी शर्मा ओली सत्ताबाट बाहिरिएपछि नेकपाका महासचिव नेत्रबिक्रम चन्द नेकपा (माओवादी केन्द्र)का अध्यक्ष भेट्न खुमलटार पुगेका छन् । उनी बुधबार अपराह्न प्रचण्डलाई भेट्न निवासमै पुगेका हुन् ।

विप्लवका साथमा नेकपाका नेता धर्मेन्द्र बाँस्ताेला पनि प्रचण्ड निवास पुगेका छन् । ओली सरकारले विप्लवका गतिविधिलाई प्रतिबन्ध लगाएपछि उनी भूमिगत भएका थिए । पछि उनै ओलीका पालामा सरकारसँग तीनबुँदे सहमति गरी विप्लव खुला राजनीतिमा आएका थिए ।

सरकार र विप्लवबीच भएकाे सहमतिअनुसार अझै विप्लवका कतिपय कार्यकर्ता जेलबाट छुटेका छैनन् । उनी आफ्ना कार्यकर्ता रिहाइलगायत समसामियक राजनीतक परिस्थितिका बारेमा छलफल गर्न खुमलटार पुगेकाे स्राेतकाे दाबी छ ।