काठमाडाैं । खुला राजनीतिमा आएकाे लामाे समयसम्म गुमनाम रहेका नेपाल कम्युनिष्ट पार्टीका महासचिव नेत्रविक्रम चन्द (विप्लव) ले पछिल्ला समय राजनीतिक भेटघाटलाई तीव्र पारेका छन् ।

केपी शर्मा ओली सत्तच्यूत भएसँगै विप्लवकाे राजनीतिक भेटवार्ता बढेकाे छ । उनले आज आफ्ना राजनीतिक गुरू माेहन वैद्य (किरण) सँग भेटवार्ता गरेका छन् । भेटमा क्रान्तिकारी ध्रुवीकरण, संयुक्त मोर्चा र समसामयिक राजनीतिक विषयमा छलफल भएकाे थियाे ।

विप्लवले यसअघि नेकपा (माओवादी केन्द्र)का अध्यक्ष पुष्पकलम दाहाल (प्रचण्ड), नेकपा (एमाले)का वरिष्ठ नेता माधवकुमार नेपाल र जनता समाजवादी पार्टी नेपालका नेता डा बाबुराम भट्टराईसँग भेटवार्ता गरिसकेका छन् ।