काठमाडौं । नेकपा एमालेको स्थायी कमिटिको वैठक वसिरहेको छ । अध्यक्ष केपी शर्मा ओलीले सोमबारका लागि बोलाइएको केन्द्रीय समितिको एजेण्डा तय गर्न र आजै प्रधानमन्त्री शेरवहादुर देउवाले संसदमा लिन लागेको विश्वासको मतका विषयमा थप छलफल स्थायी कमिटि बैठकमा हुदैछ ।

पार्टीभित्रकै माधव नेपाल समुहले कांग्रेस सभापति शेरवहादुर देउवा लाई विश्वासको मत दिन सक्ने देखिएपछि यस वारेमा पनि आजको स्थायी कमिटि बैठकमा छलफल हुन लागेको छ ।

शुक्रवार वसेको स्थायी कमिटि र संसदीय दलको वैठकले पार्टी प्रतिपक्षमा बस्ने र देउवालाई विश्वासको मत नदिने सस्थागत निर्णय गरेको थियो । त्यस्तै सर्वाेच्च अदालतले संसद पूर्नस्थापना र देउवालाई प्रधानमन्त्री बनाउन दिएको परमादेशको कार्यान्वयन गरेपनि त्यसले पार्ने दीर्घकालिन सर र दलीय ब्ववस्था माथी पर्न सक्ने जोखिमका वारेमा भण्डाफोर अभियान देशब्यापी चलाउने निर्णय लिएको थियो ।

एमालेले देउवालाई विश्वासको मत दिने एमालेको निर्णय नभएकोले कसैले दिएमा त्यो एमालेको सदस्य हुन नसक्ने र उसको ब्यक्तिगत धारणा हुने सम्मको चेतावनी ओलीले नेपाल पक्षलाई दिईसकेका छन् ।

एमालेको आन्तरिक विवाद मिलाउन कार्यदल गठन गरेको गरेको प्रयास अनुसार कार्यदलको १० वुँदे प्रस्ताव समेत स्थायी कमिटिले यस अगाडी नै स्वामित्व ग्रहण गरेर विघटन गरिसकेको छ । कार्यादलले दिएको प्रस्तावलाई पनि उसले भोलिको केन्द्रीय कमिटिको एजेण्डा भने बनाउँदैछ ।

तर कार्यदलले प्रतिवेदन वुझाउँदा सम्म एमालेभित्र नेपाल र ओलीका वीचमा मिलाप नदेखिएपछि कार्यदलमा रहेका दोस्रो तहका नेताहरुले एकताको फेरि प्रयास गरेका थिए । त्यही क्रममा कार्यदलका सदस्यले ओलीलाई हिजै साझ वालकोटा पुगेर भेटेर केही दिन बैठक रोकेर नेपालसँग छलफल गर्न सुझाएका थिए ।
तर ओलीले नेपालले छलफलमा बस्नै नरुचाएकोले नेपालसँगै गएर कुरागर्न भनेका थिए ।

कार्यदलका सदस्यरहेका नेताहरुले आज विहान नेपाललाई समेत गएर भेटेका थिए । तर नेपालले नेताहरुको प्रस्तावमा सहमति नजनाएपछि अहिलेसममको एकता प्रयास निरर्थक रहेको बताईरहेका बेला एमाले स्थायीक मिटि बैठक शुरु भएको हो ।

बैठक च्यासलस्थित तुलसीलाल स्मृति भवनमा चलिरहेको छ । बैठकमा नेपाल पक्ष मात्रै होइन, उपाध्यक्ष बामदेव गौतम पनि सहभागी भएका छैनन । उनी वालुवाटारमा भएको बैठकमा भने सहभागी भएका थिए । त्यसपछि फेरि बैठकमा जान छोडेका छन् ।