काठमाडौं । मन्त्रिमण्डल विस्तारबारे छलफल गर्न एमाले वरिष्ठ नेता माधवकुमार नेपालसँग माओवादी केन्द्रका अध्यक्ष पुष्पकमल हादाल र जनता समाजवादी पार्टी जसपा अध्यक्ष उपेन्द्र यादवले छुट्टाछुट्टै भेटवार्ता गरेका छन् ।

नेता नेपाललाई भेट्न दाहाल कोटेवरस्थित नेपाल कै निवास पुगेका थिए । नेपाल र दाहालबीच करीव पौने घण्टा छलफल भए लगत्तै जसपाका अध्यक्ष यादव नेपाल नेवास पुगेका हुन् ।

प्रधानमन्त्री शेरबहादुर देउवाले विश्वासको मत पाइसकेपछि अब जसपा र एमालेको नेपाल पक्ष सरकारमा सहभागी हुने तयारी छ ।

मन्त्रालय भागबण्डा र विशेष गरी नेपाल पक्षलाई सरकारमा सहभागी गराउन आवश्यक कानूनी तथा राजनीतिक प्रवन्ध मिलाउन शीर्ष तहमा छलफल भइरहेको छ ।

नोपल पक्षको सरकारमा सहभागिताको सन्दर्भमा निर्णय आएपछि मात्र प्रधानन्त्री देउवाले मन्त्रिमण्डल विस्तार गर्ने तयारी गरेका छन् ।

यसबीचमा जसपाको आधिकारिकता विवाद पनि निर्वाचन आयोगबाट टुंगो लाग्ने भएकाले यादव नेपाललाई भेट्न पुगेका हुन् ।

कांग्रेस सभापति देउवको नेतृत्वमा सरकार बनेसँगै सत्तारुढ दलसँगै एमालेको नेपाल समूहका नेताको दौडधुप सुरु भएको हो ।

गत असार २९ गते प्रधानमन्त्रीको सपथ लिएका देउवा आफैं नेता नेपाललाई भेटन् उनकै निवास पुगेका थिए । नेताहरुको दौडधुप सुरु भएपनि सत्ता समिकिरणका लागि सत्तारुढ दलले नेता नेपाललाई केन्द्रमा राखेका छन् ।