काठमाडौं । अर्थमन्त्रालयले नेपाल धितोपत्र बोर्डलाई स्पष्टीकरण माग गरेको छ ।

बोर्डका अध्यक्ष भीष्मराज ढुंगानाले स्वार्थ बाझिने गरी इन्साइड ट्रेडिङ गरेको बाहिरएपछि मन्त्रालयले बोर्डलाई स्पष्टीकरण सोधेको हो ।

मन्त्रालयले बोर्डलाई विभिन्न सञ्चारमाध्यममा आएको सत्य तथ्य के हो सोको स्पष्ट र तथ्यपरक विवरण ३ दिनभित्र मन्त्रालयमा उपलब्ध गराउन आदेश दिएको छ ।

ढुंगानाले बुक बिडिङमार्फत शेयर जारी गर्न लागेको सर्वोत्तम सिमेन्टको सेयर छोरीको नाममा खरिद गरेको बाहिरिएको थियो ।