काठमाडौं । कोरोना महामारीमा आफ्नो ज्यानको बाजी राखेर खोलाबाट खोप तार्ने मुस्ताङको कोवाङ स्वास्थ्य चौकीका हेल्थ असिस्टेन्ट लाल बहादुर रोकाया सम्मानित भएका छन् । मुस्ताङको कोवाङ स्वास्थ्य चौकीमा कार्यरत हेल्थ असिस्टेन्ट रोकायालाई शनिवार बरबरा फाउन्डेसनले (कोभिड–१९) विशिष्ट सम्मान दिएको हो ।

नेपाल लगायत विश्व समुदायमा फैलिरहेको कोरोना भाइरसको महामारीको भयावह र त्रासदीबीच गुज्रिरहेको बेलामा स्वास्थ्य क्षेत्रमा परेको गहन जिम्मेजारीलाई वहन गरि स्वास्थ्य सहयोगीको पेशागत जिम्मेवारी भन्दा माथि उठेर न्युन स्वास्थ्य सुरक्षा अवस्थाको बाबजुत सहज गरेर जनस्वास्थ्य र मानवीय संवेदनालाई सर्बोपरि ठानी कोभिड १९ महामारीको अग्रपंतिमा रहेर निरन्तर दिएको उत्कृष्ट र प्रेरणादायी योगदानको उच्च सम्मान गर्दै रोकायालाई कन्तिनेन्टल ट्रेडिङ इन्टरप्राईजेजबाट प्राप्त सहयोगमा बारबरा फाउन्डेसन कोभिड १९ विशिष्ट सम्मान प्रदान गरेको हो । रोकायालाई पुर्व राष्ट्रपति रामवरण यादव र बारबरा फाउण्डेसनका अध्यक्ष सन्दुक रुईतले सम्मान गरेको हो ।

वर्खामा भारी वर्षाका कारण खोप लैजाने असहज भएपछि स्वास्थ्य कर्मी राकाया आफै खोलाको बिचमा उभिएर एउटा फलामको डंडिको सहायताले खोप वारीबाट पारि सारेका थिए ।

This is how far #healthworkers go to save lives. Is it fair that in many places these heroes have still not been vaccinated?

It is in our power and our duty to do everything we can to deliver #VaccinEquity! If not now, when?https://t.co/Dm1YVbc9uB

— Tedros Adhanom Ghebreyesus (@DrTedros) June 17, 2021

उनले कोरोनाको खोप सारेको भिडियो सवत्र भाइरल बनेपछि विश्व स्वास्थ्य संगठन (डब्लुएचओ)का महानिर्देशक टेड्रोस एड्हानोम गेहब्रेयसले शेयर गरेका थिए । उनले भिडियो सियर गर्दै, ‘स्वास्थ्यकर्मीहरु जीवनरक्षाका लागि कति टाढासम्म पुगिरहेका छन्,’ ‘धेरै ठाउँमा यी हिरोहरुलाई अझै खोपबाट वञ्चित गर्नु कति न्यायोचित होला ?’ भनेका थिए ।

राकाया रुकुम जिल्लाको सानोभेरी गाउँपालिका ४ निवासी हुने, उनि विगत २ वर्षदेखि मुस्ताङमा बस्दै आएका छन् ।