काठमाडाैं । प्रधानमन्त्री बालेन शाहले आज सांसदहरूसँग छलफल गरेका छन्।

सत्ता र प्रतिपक्षीमा रहेका दलका सांसदहरूसँग प्रधानमन्त्रीले छलफल गरिरहेका हुन्। प्रदेशगत रूपमा प्रधानमन्त्रीले सांसदहरूसँग सामूहिक छलफल गरेका हुन्।

कोशी प्रदेशकाे छलफलमा एमालेबाट निर्वाचित सांसाद सुहाङ नेम्वाङ, राजेन्द्रकुमार राई सहभागी थिए । श्रम संस्कृति पार्टीका अध्यक्ष हर्कराज साम्पाङसहितका सांसदहरू भने बैठकमा सहभागी भएनन् ।

हर्कले फेसबुकमा एक पाेष्ट लेख्दै सदनको बैठक नबाेलाइ कोठे बैठक बाेलाइएकाे भन्दै टिप्पणी गरे ।

‘प्रधानमन्त्रीले सदन बोलाउन तिर पहल नगरी कोठे बैठकमा बोलाउनुको कारण था भएन। हामी कोठे बैठकमा आउँदैनौँ। सदनको वैठक बोलाउनु परो। हप्ताको १ चोटि कम्तीमा राख्नु पर्छ बैठक। जनताको प्रश्नदेखि भाग्न पाइँदैन, सबै प्रश्नका उत्तर दिनैपर्छ, जय लोकतन्त्र,’ साम्पाङले लेखेका छन्।

कोशीको छलफल सकाएपछि कर्णाली प्रदेशबाट निर्वाचित राप्रपा सांसद ज्ञानेन्द्र शाहीलगायत सांसदहरूसँग बालेनले छलफल गरेका छन् ।