काठमाडौँ । नेपाल अन्तर्राष्ट्रिय चलचित्र महोत्सवमा नेपालको डकुमेन्ट्री ‘सिभिल सोल्जर्स’ले उत्कृष्ट अवार्ड पाएको छ । यस डकुमेन्ट्रीले उत्कृष्ट अवार्ड चुम्दै ५ सय डलर (करिब ६० हजार रुपैयाँ)सहित प्रमाण पत्रहरू पाएको हो ।

डकुमेन्ट्रीमा विश्वभर फैलिएको कोरोना भाइरस (कोभिड १९) महामारीमा नेपालका अग्र पंक्ति खटिएका व्यक्तिहरूको कथा समेटिएको छ । गत वैशाख २४ देखि २७ गतेसम्म भर्चुअल माध्यमबाट सम्पन्न भएको फिल्म महोत्सवको आज अवार्ड वितरण भएको हो ।

त्यस्तै, उत्कृष्ट निर्देशन पनि ‘आमा कान्दो’का निर्देशक दोन्डुप टेसरिङलाई प्रदान गरिएको छ । उत्कृष्ट प्यानडामिक डकुमेन्ट्रीतर्फ गणेश पाण्डेद्वारा निर्देशित ‘सिभिल सोल्जर’लाई प्रदान गरिएको छ ।

चलचित्र विकास बोर्डका अध्यक्ष दयाराम दाहालले उत्कृष्ट राष्ट्रिय फिचर फिल्मितर्फ दोन्डुप टेसरिङले निर्देशन गरेको ‘आमा कान्दो’ नामक चललित्रलाई प्रदान गरिएको छ ।

त्यसैगरी, उत्कृष्ट सिनेमाटोग्राफ्रतर्फ सिरिष गुरुङ, उत्कृष्ट लेखक (पुरुष)मा नवीन शिल्पकार र महिलातर्फ करिता गिरिलाई प्रदान गरिएको छ । प्रतिष्ठानका अध्यक्ष केपी पाठकले पाँचौँ संस्ककरणको आवेदन खुल्ला गरिएको जानकारी दिनुभयो ।