काठमाडौँ । इटहरीको अन्नपूर्ण मार्गमा गिट्टी खन्याएर सडक समयाउने क्रममा फेला परेको बम नेपाली सेना निष्कृय पारेको छ । शनिबार बिहान गिट्टीसँगै ग्रिनेड बम फेला परेको थियो ।

सडक निर्माणका क्रममा गिट्टी खन्याएपछि एक बालकले बल आकारको उक्त बम फेला पारेका थिए । स्थानीयले बम भएको शंका गरेसँगै प्रहरीलाई खबर गरेका थिए । घटनास्थलमा पुगेको प्रहरी टोलीले इटहरीस्थित सेनाको डिस्पोजल टोलीलाई खबर गरेको थियो ।

बम डिस्पोजलको टोली जाँच गर्दा बम नै भएको पुष्टि गरेको जिल्ला प्रहरी कार्यालय इटहरीले जनाएको छ ।