काठमाडौं । मोटरसाइकलको ठक्करबाट इलाका प्रहरी कार्यालय बर्दघाटमा कार्यरत प्रहरी निरिक्षक कपिल वाग्लेको मृत्यु भएको छ ।

सोमबार साँझ ८ बजेतिर मोटरसाइकलको ठक्करपछि गम्भीर घाइते भएका प्रहरी निरिक्षक वाग्लेको उपचारका क्रममा राति ११ बजे भैरहवा मेडिकल कलेजमा मृत्यु भएको नवलपरासी प्रहरीले जानकारी दिएको छ ।

पैदल हिंडिरहेको अवस्थामा उनलाई नवलपरासीको बर्दघाटमा लु १४ प ८७५८ नम्बरको मोटरसाइकलले ठक्कर दिएपछि गम्भीर घाइते भएका थिए।

मोटरसाइकल चालक सुनवल नगरपालिका – १ का दीपेन्द्र पुन मगर पनि गम्भीर घाइते भएका छन् ।