काठमाडौँ । नेपाल बैंकले गत आर्थिक वर्षको तुलनामा झण्डै ३ अर्ब रुपैयाँ मूनाफा गरेको छ । बैंकले कूल ३ अर्ब ६ करोड ४ लाख ५७ हजार रुपैयाँ नाफा गरेको हो ।

बैंकले आर्जन गरेको यो नाफा गत वर्षको तुलनामा तुलनामा ३१ दशमलव ४० प्रतिशतले बढी हो । अघिल्लो वर्ष यस बैंकले २ अर्ब ३३ करोड २८ लाख ८८ हजार रुपैयाँ नाफा आर्ज गरेको थियो ।

यस्तै, एक वर्षको अवधिमा बैंकको सेयर पुँजी १२ प्रतिशतले वृद्धि भएको छ । रिजर्भ एण्ड सरप्लस ९ दशमलव ९९ प्रतिशत र कर्जा ३० दशमलव २३ प्रतिशतले वृद्धि भएको छ ।

बैंकको निष्क्रिय कर्जामा केही सुधार भएको छ भने प्रतिसेयर आम्दानी इपीएस २०.६८ बाट बढेर २४.२६ रुपैयाँ पुगेको छ ।