काठमाडौँ । नेकपा एमालेका प्रतिनिधिसभा सदस्य गोकुल बास्कोटाले अफगानिस्तानमा भएको घटनाबाट त्यहाँ भएका नेपाली नागरिकले सरकारको अनुभूति गर्न नपाएको बताएका छन् ।

सार्क राष्ट्रको सदस्य अफगानिस्तानमा भएको घटनाबाट सार्कको अध्यक्ष नेपाल बेखबर हुनु दुःखद भएको उनले बताए ।

सोमबार बसेको प्रतिनिधिसभा बैठकमा बोल्दै उनले अफगानिस्तानमा भएको घटनाबाट नेपालले पनि पाठ सिक्नु पर्ने बताए । यस्तै, उनले भने, ‘अफगानिस्तानको घटनाप्रति नेपालको धारणा र दृष्टिकोण के हो ?’

बैठकमा बोल्दै उनले अफगानमा भएका नेपालीहरूको तत्काल उद्धार गर्नु पर्ने बताए ।