काठमाडौँ । गत शनिबारदेखि सुरु भएको नेकपा माओवादी केन्द्रको भातृ संगठन वाइसिएल नेपालले नयाँ केन्द्रीय समिति घोषणा हुने भएको छ । नयाँ केन्द्रीय समितिमा तत्काल अध्यक्ष नचुने भएको हो ।

राष्ट्रिय भेलाअन्तर्गत जारी बन्द सत्रले केन्द्रीय समिति घोषणा गर्ने र सोही समितिले पदाधिकारी चयन गर्ने वाइसिएलका एक नेताले जानकारी दिए ।

वाइसिएलको अध्यक्षमा सुवोध सेर्पाली र सुमन देवकोटाले दाबी गरेसँगै अध्यक्षको विषय नटुंगिने भएको हो । अध्यक्ष कसलाई बनाउने भन्ने विषय सहमति जुटाउन पार्टीका नेताहरू र वाइसिएल पदाधिकारी सक्रिय हुँदै आए पनि टुंगिन सकेको छैन ।

मंगलबार वाइसिएल नेताहरू पार्टी अध्यक्ष प्रचण्डको निवास खुमलटार पुगेर छलफल गरेका थिए । भर्चअुल विधिबाट दुई दिनमा सक्ने गरी सुरु भएको भेला अध्यक्ष नटुंगिदा ४ लम्बिएको छ ।