काठमाडौँ । काठमाडौँ उपत्यकाका विभिन्न सडकमा थुप्रिएको फोहोर बुधबारदेखि उठ्ने भएको छ । करिब एक महिनादेखि उपत्यकाको फोहोर उठ्न सकेको छैन ।

काठमाडौँ र ललितपुर महानगरपालिकासहित नगरपालिकाहरूले सडकको अवस्था बिग्रिएको भन्दै फोहोर उठाउन छाडेको थियो । सहरमा जहाँतही फोहोर थुप्रिएसँगै महानगरपालिकाले भोलिदेखि फोहोर उठाउने भाएको हो ।

प्रधानमन्त्री शेर बहादुर देउवाले काठमाडौँ महानगरपालिकाका मेयर विद्यासुन्दर शाक्य र उपमेयर हरि प्रभा खड्कीलाई बोलाएर फोहोर उठाउन निर्देशन दिएका थिए ।