काठमाडौँ । सिरहाको कल्याणपुर नगरपालिका १ मा दुई परिवारबीच झगडा हुँदा एक जनाको मृत्यु भएको छ । झगडामा ६५ वर्षकी भाल्सैरदेवी यादवको मृत्यु भएको प्रहरीले जनाएको हो ।

स्थानीय यादव र जय यादव–श्रीदेव यादवको परिवारबीच झगडा भएको जिल्ला प्रहरी कार्यालय सिरहाले जनाएको छ । श्रीदेवले बाटोमा भैँसीको मल राखेको विषयमा झगडा भएको थियो ।

झगडामा जयकुमार यादव र श्रीदेव यादवले कुटपिट गर्दा भाल्सैरदेवीको मृत्यु भएको हो । आरोपी दुवै जना फरार भएका छन् । उनीहरूको खोजी कार्य भइरहेको छ ।

मृतकको शव पोष्टमार्टमका लागि लहानस्थित रामकुमार उमाप्रसाद स्मारक अस्पतालमा राखिएको छ ।