काठमाडौं । जिल्ला प्रसासन कार्यालय काठमाडौंले ससर्त विद्यालय खोल्न पाउने निर्णय गरेको छ ।

बुधबार काठमाडौं उपत्यकाका तीन जिल्लाका प्रमुख जिल्ला अधिकारी बसेको वैठकले ससर्त विद्यालय खोल्न पाउने निर्णय गरेको हो ।

वैठकमा शैक्षिक संस्थाहरु भैतिक उपस्थितिमा पठन पाठन नगर्न निर्देशन दिएको छ । यद्यपी शैक्षिक सस्थ सञ्चालन गर्नैपर्ने हकमा सरकारले जारी गरेको स्मार्ट लकडाउनको प्रावधान भित्र रहेर स्थानीय तहहरुले जिल्ला कोभिड-१९ संकट व्यवस्थापन केन्द्रसँग समन्वय गरी विद्यालयहरु सञ्चालन गर्न पाउने निर्णय गरेको छ।

यसका साथै वैठकले बिहिबार (१७ भदौ)देखि लागु हुनेगरी निषेध शब्द हटाएर आदेश दिने निर्णय गरेको छ । अनावश्यक भिडभाड नगर्न र नगराउन प्रशासनले निर्देशन दिएको छ ।