काठमाडौं । प्रधानमन्त्री बालेन शाहले मन्त्रिपरिषद विस्तार गरेका छन्।

प्रधानमन्त्री शाहको सिफारिसमा राष्ट्रपति रामचन्द्र पौडेलले आज उद्योग, वाणिज्य तथा आपूर्ति र श्रम, रोजगार तथा सामाजिक सुरक्षा मन्त्री नियुक्त गरेका हुन्।

उद्योगमन्त्रीमा गौरी कुमारीलाई नियुक्त गरिएको छ । यस्तै श्रममन्त्रीमा रामजी यादवलाई नियुक्त गरिएको प्रधानमन्त्रीको सचिवालयले जनाएको छ । मन्त्री नियुक्त भएका दुवैजना राष्ट्रिय स्वतन्त्र पार्टी (रास्वपा)का सांसद हुन् ।

उनीहरूले आजै पद तथा गोपनीयताको शपथ लिने तयारी छ।

बिहीबार प्रधानमन्त्री शाहले दिपककुमार साहलाई श्रममन्त्रीबाट पदमुक्त गरेका थिए।यस्तै उद्योग मन्त्रालय सुरुदेखि नै प्रधानमन्त्री बालेनले आफैँसँग राखेका थिए ।