काठडमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक ५०.१३ अंकले ओरालो लागेको छ ।

कारोबार हुने साताको अन्तिम दिन बिहिबार बजार परिसुचक अघिल्लो दिनको कारोबारभन्दा १.६८ प्रतिशतले घटेर २९२६ .८९ बिन्दुमा पुगेको हो ।

शेयर बजारमा आबद्ध क वर्गका कम्पनीहरुको कारोबार मापन सेन्सेटिभ इन्डेक्स पनि ८.९ अंकले घटेको छ । शेयर कारोबार रकम भने बुधबारकै हाराहारीमा देखिएको स्टक एक्सचेञ्जले जनाएको छ ।

बिहिबार कूल २ सय ३० कम्पनीको १ लाख ५ हजार ७ सय ७५ कारोबारबाट ९ अर्ब ५० करोड ५९ लाख ७० हजार ८ सय २२ रुपैयाँ बराबरका १ करोड ८१ लाख ९ हजार ९ सय ६७ कित्ता शेयर किनबेच भएको हो ।