काठमाडौं । नेपाल र भारतबीच आइतबार दोस्रो मैत्रीपूर्ण खेल हुने भएको छ ।

माल्दिभ्समा आयोजना हुने साफ च्याम्पियनसिपको तयारीका रहेको नेपालले पहिलो खेलमा विहीबार भारतसँग बराबरी खेलेको थियो ।

त्रिपुरेश्वरस्थित दशरथ रंगशालामा आइतबार साँझ पाँच खेल हुनेछ । पहिलो खेलमा विहीबार शुरुवाती गोल गरेको अग्रता कायम गरेको नेपालले अग्रता जोगाउन नसक्दा बराबरीमा टुंगिएको थियो ।

नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरीले खेलबाट नेपालीलाई खुशी बनाउन नसकेको भन्दै माफी मागेका थिए ।

भारतविरुद्धको पहिलो मैत्रीपूर्ण खेलबाट मिडफिल्डर नितिन थापाले राष्ट्रिय टोलीमा डेब्यु गरेका थिए ।

आगामी असोज १५ देखि ३० गतेसम्म साफ च्याम्पियनसिप आयोजना हुने तालिका रहेको छ ।