काठमाडौं । नेपाली सेनाका नवनियुक्त प्रधानसेनापति प्रभुराम शर्माले कार्यभार सम्हालेका छन् । पद तथा गोपनीयताको शपथ ग्रहणपछि शर्माले कार्यभार सम्हालेका हुन् ।

राष्ट्रपति भण्डारीले सरकारको सिफारिसमा शर्मालाई यही भदौ ११ गते प्रधानसेनापतिमा नियुक्त गरेकी थिईन् ।

प्रमुख सुरक्षा अङ्ग नेपाली सेनाको ४४औं प्रधानसेनापतिका रुपमा शर्माले तीन वर्षे कार्यकालका लागि आजैदेखि औपचारिकरुपमा सैनिक नेतृत्वको जिम्मेवारी सम्हालेका हुन ।