नवलपुर । जिल्ला प्रहरी कार्यालय नवलपरासीपूर्वले चोरीका १६ वटा मोटरसाइकल सहित ६ लाई जना पक्राउ गरेको छ ।

इलाका प्रहरी कार्यालय दुम्किबासको टोलीले जिल्लाको अरुणखोला, सर्दी र चिसापानीबाट चोरीमा संलग्न ६ जनालाई पक्राउ गरेको प्रहरी नायव उपरीक्षक दीलिपकुमार गिरीले जानकारी दिए ।

पक्राउ पर्नेमा नवलपुरको मध्यबिन्दु नगरपालिका १० बस्ने २९ वर्षीय मुकेश थापा, बिनयी त्रिवेणी गाउँपालिका २ बस्ने बर्ष ३० को गंगाबहादुर मगर, मध्यबिन्दु नगरपालिका १० बस्ने बर्ष ३३ का दिलबहादुर सोती, बिनयी त्रिवेणी ४ बस्ने बर्ष २३ का प्रेमबहादुर परीयार, बिनयी त्रिवेणी ४ बस्ने बर्ष २० को मिलन थापा र पाल्पा निस्दी गाउँपालिका ७ बस्ने २५ वर्षीय खेमबहादुर सारु छन् ।

समातिएका मोटरसाइकलहरु सम्बन्धित धनीलाई सम्र्पक गरेर बुझाउने प्रक्रिया सुरु भएको गिरीले बताए ।

पक्राउ परेकाहरुलाई मुलुकी अपराध संहिता २०७४ को परिच्छेद २० चोरी सम्बन्धी कसुर अन्तर्गत अनुसन्धान कार्य अघि बढाइएको प्रहरीले जनाएको छ ।