जनकपुर । माधव नेपाल नेतृत्वको नेकपा (एकीकृत समाजवादी) प्रदेश २ सरकारमा सहभागी हुने भएको छ ।

सोमबार धनुषाको लालगढमा बसेको सो पार्टीको प्रदेश कमिटी बैठकले सरकारमा सहभागी हुने निर्णय गरेको हो । वैठकले संसदीय दलको नेतामा शत्रुधन महतोलाई चयन गरेको छ ।

प्रदेश २ सरकारमा सहभागी हुन संसदीय दलका नेता महतोलाई मुख्यमन्त्री लालबाबु राउतसँग पहल गर्ने जिम्मेवारीसमेत दिइएको बैठकपछि प्रदेश सचिव लक्ष्मण पौडेलले जानकारी दिए ।