काठमाडौं । प्रमुख प्रतिपक्ष नेकपा एमालेको निरन्तरको अवरोधका कारण संसद वैठक प्रभावित हुदै आईरहेको छ । भदौं २३ बाट शुरु भएको संसदको जारी अधिवेशन एमालेले अहिलेसम्म सात पटक अवरुद्ध गरिसकेको छ ।

एमालेको अवरोधका वीच सत्ता पक्षले राजनीतिक दल सम्वन्धि अध्यादेश सहित आर्थिक अध्यादेशहरु संसदमा प्रस्तुत गरिसकेको छ । त्यस्तै अघिल्लो सरकारले अध्यादेशमार्फत नै प्रस्तुत गरेको आथिर्क वर्ष २०७८/०७९ को वजेटलाई सरकारले प्रतिस्थापन अध्यादेशमार्फत नयाँ संसोधित वजेट सदनमा प्रस्तुत गरिसकेको छ ।

सदनभित्रको यो खालको परिस्थतीले संसदमा जारी अवरोध कहिले खुल्ने केही संकेत छैन । एमालेले सभामुख अग्नि सापकोटाको भूमिका निश्पक्ष हुन नसकेको भन्दै प्रश्न उठाएर संसद अवरुद्ध गदै आएको हो । माधव नेपाल लगायतले एमाले छोडेर सरकारले ल्याएको राजनीतिक दल सम्वनधी अध्यादेशमा टेकेर नयाँ दल नेकपा एकीकृत समाजवादी गठन गरिसकेका छन् । निर्वाचन आयोगले उनीहरुको दललाई मान्यता दिईसकेको छ ।

अध्यादेश र अध्यादेशको ब्यवस्था अनुसार पनि माधव नेपालको पार्टीले वैधानिकता पाउन नसक्ने भन्दै एमाले सर्वाेच्च अदालत पुगेको छ । नेपाललगायतले नयाँ पार्टी खोल्ने सुरसार गरेपछि कारवाही गदै पदमुक्त गर्न संसद सचिवालयमा एमालेले पत्र पठाएको थियो । तर सभामुखले त्यसलाई अध्ययनकै क्रममा राखेपछि एमालेले सभामुखको भूमिका निश्पक्ष नभएको र पार्टी फुटाउन मतियार बनेको आरोप एमालेले सदनमा लगाईरहेको छ ।

त्यही एजेण्डामा टेकेर उसले अहिले संसद अवरुद्ध गदै आएको छ । सभामुखले संसदको जारी गतिरोध फुकाउन सोमबार एक दिन संसद वैठक रोकेर सवै दलका शीर्ष नेता सम्मिलित सर्वदलीय बैठक समेत आह्रवान गरेका थिए । तर सभामुखले बोलाएको बैठकमा एमालेले वहिष्कार गरिदियो । त्यसले सदनको गतिरोध खोल्ने विषयमा कुनै सहमति निस्केन ।

त्यही वीच आज दिउासो १ वजे बोलाईएको संसद बैठकमा पनि सत्ता र प्रतिपक्ष आ-आफ्नै तयारीमा छन् । सत्तापक्ष विभिन्न विधेयकहरु सदनमा पेश गर्ने तयारीमा जुटेको छ । तर प्रतिपक्ष एमालेले आज पनि सदन चल्न नदिने बताईसकेको छ । एमालेले कि सभामुखले मार्गप्रसस्त गर्नुपर्ने की माधव नेपाललगायत १४ सांसदलाई पदमुक्त गरेको सूचना टाँस गर्नुपर्ने शर्त तेस्र्याएको छ ।

यसले सदनमा सत्ता प्रतिपक्षको जुहारी जारी छ । अझ त्यसमा सभामुख पनि जोडिएका छन् ।

एमालेले आजको बैठक पनि अवरुद्ध गर्ने बताईसकेपनि संसद सचिवालयले बैठकका लागि सम्भावित कार्यसूची तय गरेको छ ।

आजको बैठकमा अर्थमन्त्री जनार्दन शर्माले विनियोजन विधेयक, २०७८ माथि विचार गरियोस् भनेर प्रस्ताव प्रस्तुत गर्ने सम्भावित कार्यसूची तय गरिएको छ । यस्तै बैठकमा २०४८ सालमा राष्ट्रिय सभामा मनोनित सदस्य रुक्म शमशेर जबराको निधनप्रति शोक प्रस्ताव प्रस्तुत गर्ने कार्यसूची पनि रहेको छ ।