काठमाडौं । दैलेखमा एक शिक्षाको विभत्स हत्या भएको छ । गुराँस गाउँपालिकामा रहेको मालिका माध्यमिक विद्यालयका शिक्षकको विभत्स हत्या भएको अवस्थामा शव फेला परेको छ ।

मालिका माविका शिक्षक नगेन्द्र बिसीको शव फेला परेको प्रहरीले जनाएको छ । बिहान स्थानीयले शव देखेपछि प्रहरीलाई खबर गरेका थिए ।

शिक्षक बिसीको सोमवार राती नै हत्या भएको हुन सक्ने आशंका प्रहरीको छ । घटनाबारे अनुसन्धान गर्न प्रहरी निरीक्षक इन्द्रजीत सुनार नेतृत्वको टोली घटनास्थल पुगेको दैलेखका प्रहरी नायब उपरीक्षक अनुपम श्रेष्ठले जानकारी दिए । प्रहरीकाअनुसार घटनास्थल पुगेको टोलीले प्रारम्भिक अनुसन्धान थालेको छ।

प्रहरीले शंकास्पद दुई जनालाई पक्राउ समेत गरेको छ ।