काठमाडौं । टेलिभिजन रियालिटी सो कमेडी च्याम्पियन सिजन २ का विजेता भरतमणि पौडेललाई बुधबार ९ लाख ५ हजार रुपैयाँको चेक हस्तान्तरण गरिएको छ ।

भरतमणि सहयोग समिति ताप्लेजुङको तर्फबाट संकलन गरिएको रकम बुधबार काठमाडौंमा आयोजित एक कार्यक्रममा हस्तान्तरण गरिएको हो ।

भरतमणी सहयोग समिति ताप्लेजुङको तर्फबाट पूर्वमन्त्री तथा एमाले सांसद योगेश भट्टराईले पौडेललाई उक्त चेक हस्तान्तरण गरे । समितिले भरतमणिलाई जिताउन सुरुदेखि नै रकम संकलन गरेको थियो ।

सोही कार्यक्रममा फस्ट रनरअप विक्की अग्रवाल र सेकेन्ड रनरअप सन्तोष थापालाई पनि खादा ओढाएर सम्मान गरिएको थियो ।