काठमाडौँ । दशैंमा अग्रिम टिकट खुला हुने भएकोछ । यातायात व्यवस्था विभागले दशैंको अग्रिम टिकट खुलाउने भएको हो । विभागले अग्रिम टिकट बुकिङ खुलाउन बिहीबार नेपाल राष्ट्रिय यातायात व्यवसायी महासंघसँग छलफल गर्दैछ ।

विभागले काठमाडौँ दशैं तिहारमा काठमाडौँ उपत्यका छाडेर गाउँ फर्किनेलाई हरेक वर्ष अग्रिम टिकट खुलाउने गरेको छ । प्रत्येक वर्ष करीब २० लाखले काठमाडौं छाड्ने गरेको बताइएको छ । तर अघिल्लो वर्ष कोरोना भाइरस कोभिड १९ संक्रमणको त्रासका कारण टिकट काटेर ५ लाख मात्रै बाहिरिएको जनाइएको छ ।

कोभिड संक्रमणको त्रास कायमै रहेपनि यस वर्ष दशैंमा काठमाडौँ छाड्नेहरू गतवर्षको भन्दा बढी हुने अनुमान गरिएको छ । विभागले यसअघि भदौ १० गतेदेखि अग्रिम टिकट खुलाउने तयारी गरेको थियो । तर यातायात व्यवसायी महासंघले तत्काल अग्रिम टिकट खुलाउन आनाकानी गरेको थियो ।