काठमाडौँ । पुत्रको दीर्घायुको कामना गर्दै ब्रत बस्ने जितिया पर्वको अवसरमा प्रदेश २ का हिन्दु धर्मालम्बी महिलाहरूलाई बुधबार बिदा हुने भएको छ । मुख्यमन्त्री लालबाबु राउतले एक विज्ञप्तिमार्फत शुभकामना दिँदै प्रदेशभर महिलालाई सार्वजनिक बिदा दिने घोषणा गरेका हुन् ।

‘पुत्रको दीर्घायुको कामना गर्दै हिन्दु धर्मावलम्बीहरूले मनाउने कठोर ब्रच जितियाको अवसरमा सम्पूर्ण ब्रतालु महिलाहरूमा हार्दिक मंगलमय शुभकामना व्यक्त गर्दछु,’ विज्ञप्तिमा भनिएको छ ।