काठमाडौं । भारतमा अपहरण गरी नेपाल ल्याइएका एक भारतीय नागरिकको सप्तरीस्थित बलान बिहुल गाउँपालिकाबाट प्रहरीले उद्धार गरेको छ । नेपाल प्रहरी र सशस्त्र प्रहरीको संयुक्त टोलीले भारतको बिहार राज्य अन्तर्गत मधुबनी जिल्लाको लौकाहा ग्राम पन्चायत वडा नम्बर ९ बस्ने २२ बर्षका शंकरकुमार साहको उद्धार गरेको हो ।

बलान बिहुल गाउँपालिका वडा नम्बर ५ रामनगरस्थित नेपाल भारत सीमानजिक झाडीमा खुट्टामा साङ्लोले बाँधेर राखिएको अवस्थामा साहको उद्धार गरिएको प्रहरीले जनाएको छ ।

प्रहरीका अनुसार शाहलाई अज्ञात समूहले अपहरण गरी नेपालको दशगजातर्फ लगेको सूचना भारतीय प्रहरीले दिएपछि नेपाल प्रहरी र सशस्त्र प्रहरीले अपहरितको खोजी गरेको थियो । अपहरित साहलाई उद्धार गरिएपनि अपहरणकारी फेला नपरेको छैन ।

उक्त स्थानमा एनसेल कम्पनीको नेपाली सिमकार्ड प्रयोग भएको एउटा मोबाइल सेट फेला परेको छ । एक थान फेला परेको प्रहरीले जनाएको छ । प्रहरीले थप अनुसन्धान जारी राखेको छ ।