काठमाडौं । काठमाडौंको नागढुंगाबाट संरक्षित वन्यजन्तु कस्तुरीको विनासहित एक जना पक्राउ पक्राउ परेका छन् ।

महानगरीय प्रहरी परिसर काठमाडौंले नुवाकोट किसपाङ गाउँपालिका–८ घर भएका ५१ वर्षीय सार्की घलेलाई पक्राउ गरेको हो ।

प्रहरीका अनुसार शुक्रबार साँझ त्रिशुलीबाट काठमाडौंतर्फ आउँदै गरेको प्रदेश ३–०१–००६ ख ५९९ नम्बरको बसलाई नागढुंगामा चेकजाँच गर्दा घलेको झोलाबाट १९ ग्रामको विना फेला परेको हो ।

पक्राउ परेका घलेलाई आवश्यक थप अनुसन्धानका लागि डिभिजन वन कार्यालय हात्तीसार पठाइएको प्रहरीले जनाएको छ ।