काठमाडौं । नेपाल विद्युत प्राधिकरणले गतहप्तादेखि मुलुकका विभिन्न स्थानमा इन्टरनेटको लाइन काट्न सुरु गरेको छ । जसका कारण इन्टरनेटको विषयलाई लिएर चर्चा चुलिएको छ ।

कार्यालयमा एक्कासी विद्युत लाइन र इन्टरनेट सेवा अवरोध भएको छ । तार काट्दा नचल्ने र सेवाप्रदायकको सेवा अवरुद्ध पारिदिने प्राधिकरणबाट चेतावनीसमेत आएकाले इन्टरनेट कम्पनी सर्तक भइरहेका छन् ।

इन्टरनेट सेवाप्रदायकले नेपाल विद्युत प्राधिकरणको पूर्वाधार प्रयोग गरेर आफ्नो सेवा विस्तार गर्दा तिर्नुपर्ने शुल्क प्राधिकरणले पछिल्लो समय बढाइदिएको छ । प्राधिकरणले शुल्क बढाएपछि सेवाप्रदायी विरुद्धमा रहेर शुल्क नतिरेकाले लाइन काट्न शुरु गरेको विद्युत प्राधिकरणले जनाएको छ ।

दूरसञ्चार प्राधिकरणले विद्युत प्राधिकरणले कुनै पनि बहानामा सेवा अवरुद्ध पार्न नहुने भन्दै सचेत पनि गराइसकेको छ भने केवल टेलिभिजन व्यवसायीको संरक्षणमा सञ्चार मन्त्रालय अघि सरेकाले इन्टरनेट सेवा प्रदायकले अटेर गरेका कारण लाइन कटिन थालेका हुन् ।

इन्टरनेट तथा केवल सेवा दिनेले प्राधिकरणलाई यस्तो पूर्वाधार प्रयोग गरे बापत पहिले वार्षिक प्रतिपोल २५० रुपैयाँ तिर्दै आएका थिए । तर प्राधिकरणले भाडाको कुनै पनि दर नभएको भन्दै थप १०० रुपैयाँ बढाएको छ ।