काठमाडौं । राष्ट्रियस्तरका सञ्चार माध्याममा कार्यरत पत्रकारहरुले तलव नपाएपछि बुधबार काठमाडौंको माइतीघरमा प्रदर्शन गरेका छन् ।

एभिन्यूज टेलिभिजन, इमेज टेलिभिजन लगायतका प्रतिष्ठित सञ्चार माध्यामले नै पत्रकारहरुलाई पारिश्रमिक नदिएपछि नेपाल पत्रकार महासंघ नै आन्दोलनमा उत्रिएको छ ।

पत्रकार महासंघ केन्द्रीय समितिको अगुवाईमा बुधबार माइतीघरमा मण्डलमा प्रदर्शन गरिएको छ ।

प्रदर्शनमा विभिन्न सञ्चार माध्यामबाट पारिश्रमिक नपाएका पत्रकारहरुका साथै पत्रकार सम्बद्ध संघ संस्थाका प्रतिनिधिहरुको उपस्थिति थियो ।

पत्रकारहरुले श्रमजीवी पत्रकार ऐन कार्यान्वयन गर, तलबः दूरी नबढाउ, मजबुरी नदेखाउ जस्ता प्लेकार्ड बोकेको थिए ।