काठमाडौँ । लुम्बिनी प्रदेश सरकारका नवनियुक्त मन्त्रीहरुले पद तथा गोपनीयताको शपथ लिएका छन् । आइतबार प्रदेश प्रमुख अमिक शेरचनले उनीहरूलाई शपथ गराएका हुन् ।

शपथ लिनेमा कांग्रेसबाट मन्त्री बनेका ऊर्जा, जलस्रोत तथा सिँचाइ मन्त्री पाल्पाका वीरबहादुर राना, वन वातावरण तथा भूसंरक्षण मन्त्री सुरेन्द्र हमाल र शिक्षा विज्ञान युवा तथा खेलकुद मन्त्रीमा वसिउद्दिन खाँ रहेका छन् ।

त्यस्तै, माओवादी केन्द्रबाट मन्त्री बनेका स्वास्थ्य, जनसंख्या तथा परिवार कल्याण मन्त्री इन्द्रजित थारु, आन्तरिक मामिला तथा सञ्चारमन्त्री तिलकराम शर्मा पनि रहेका छन् ।

सरकारमा नेकपा एकीकृत समाजवादीसमेत सहभागी भएका छ । नयाँ सरकार बनेको करिब २ महिना पूरा हुन लाग्दासम्म ७ सदस्यीय मन्त्री रहेको आज मन्त्री मण्डल विस्तार गरी १७ सदस्यीय बनाइएको छ ।

याे पनि पढ्नुहोस्

लुम्बिनी प्रदेशमा सरकार विस्तार हुँदै : यी हुन् बन्ने मन्त्री ?