काठमाडौँ । नेपाली बजारमा आज सुनको मूल्य प्रतितोला ३ सय रुपैयाँले बढेको छ । योसँगै आज सुन ९१ हजार ७ सय रुपैयाँमा कारोबार भएको छ ।

छापावाल सुन बुधबार प्रतितोला ९१ हजार ४ सयमा कारोबार भएको थियो । नेपाल सुनचाँदी व्यवसायी महासंघले अन्तर्राष्ट्रिय बजार मूल्यका आधारमा नेपालमा दैनिक सुन तथा चाँदीको कारोबार मूल्य तोक्ने गर्दछ ।

महासंघले सार्वजनिक गरेको तथ्यांकअनुसार आज तेजाबी सुन प्रतितोला ९१ हजार २ सय रुपैयाँमा कारोबार भएको छ । बुधबार प्रतितोला ९० हजार ९ सयमा कारोबार भएको थियो ।

यस्तै, महासंघका अनुसार आज चाँदीको मूल्यमा प्रतितोला २५ रुपैयाँ बढेको छ । योसँगै एक हजार २६० रुपैयाँमा चाँदीको कारोबार भएको छ ।