पाल्पा । पूर्वी पाल्पाको रामपुर नगरपालिका–८ स्थित कालीगण्डकी किनारमा विहीबार दुई शव भेटिएको छ ।

भुजात सिद्धबाबा धाम र होस्दीमा शव फेला परेको इलाका प्रहरी कार्यालय रामपुरले जनाएको छ ।

भुजातमा अन्दाजी ४०÷४५ वर्ष उमेरका र होस्दीमा ५०÷५५ वर्ष उमेरका पुरुषको शव फेला परेको जिल्ला प्रहरी कार्यालय पाल्पाले जनाएको छ । उनीहरुको हालसम्म नाम, थर, बतन खुल्न सकेको छैन ।

नदी किनारमा बगाइ ल्याइएको जस्तो देखिने सढेगलेको अवस्थामा शव फेला परेका हुन् । शव परीक्षणका लागि रामपुर अस्पतालमा नै राखिएको छ ।