काठमाडौँ । प्रधानन्यायाधीश चोलेन्द्र शमशेर राणा आइतबार इजलासमा बसेका छन् । उनको एकल इजलासले दुई वटा मुद्दा हेर्ने भएको हो ।

प्रधानन्यायाधीश राणाले चितवन जिल्ला अदालतसमेतका विरुद्ध दायर रिट निवेदनमाथि सुनुवाई गरेका हुन् । उनले महान्यायाधिवक्ताको कार्यालय र भेषराज लोहनीले दायर गरेको मुद्दा हेर्ने भएका हुन् ।

महान्यायाधिवक्तको कार्यालयका तर्फबाट डा. टेकबहादुर घिमिरे र उच्च अदालत पाटनसमेतका विरुद्धमा लोहनीले दायर गरेको रिट निवेदनलाई प्रधान्यायाधीशले आफ्नो बेञ्चमा पेसी तोकेका थिए ।

कानून व्यवसायीहरूको संस्था नेपाल बार एशोसिएसनले प्रधानन्यायाधीशलाई इजलासमा नबस्न आग्रह गरे पनि उनले एकल इजलासमा दुई मुद्दाको पेशी तोकेका हुन् । पछिल्लो समय न्यायालयमा देखिएको विवादका कारण सर्वोच्च अदालतका अधिकांश न्यायाधीशसहित बार एशोसिएसनले प्रधानन्यायाधीशको राजीनामा माग गर्दै आन्दोलन गरिरहेका छन् ।

यो पनि पढ्नुहोस्

विवादका बीच प्रधानन्यायाधीशको एकल इजलास बस्दै