काठमाडौँ । सल्यानमा भएको बस दुर्घटनामा मृत्यु हुनेको संख्या ११ पुगेको छ । प्रहरी अनुसार घटनास्थलमा ६ जनाको र अस्पतालमा ५ जनाको मृत्यु भएको हो ।

सल्यान सदरमुकाम खलंगाबाट दाङको तुल्सीपुरतर्फ गइरहेको ना १ ख १५५२ नम्बरको बस आइतबार बिहान ११ बजे दुर्घटना भएको थियो । घटनामा कम्तीमा २० जना घाइते भएका प्रहरीले जनाएको छ ।

घाइतेमध्ये गम्भीर अवस्थाका ७ जनालाई उपचारका लागि नेपालगञ्ज पठाइएको छ । बाँकी घाइतेलाई विभिन्न अस्पतालमा उपचार भइरहेको छ । तीव्र गतिमा रहेको बस सडकबाट २ सय मिटर तल खसेको थियो ।

मृत्यु भएकाहरूको सनाखत हुन बाँकी रहेको प्रहरीलेजनाएको छ ।