काठमाडौँ । सत्ता गठबन्धन दल नेकपा एकीकृत समाजवादीको केन्द्रीय कमिटीको दोस्रो बैठकमा पार्टी अध्यक्ष माधवकुमार नेपालले सम्बोधन गरेका छन् । सम्बोधनमा बोल्दै उनले निर्वाचन नजिकिँदै गरेकाले सबै संगठनहरू चुनावमा केन्द्रीत हुनु पर्ने बताए ।

‘कमरेडहरू हामीले विद्रोह गरेर नयाँ पार्टी बनाएका छौँ, पार्टी निर्माणमा जोसका साथ खटिन सबै केन्द्रीय कमिटीका सदस्य साथीहरूलाई आग्रह गर्दछु,’ अध्यक्ष नेपालले भने, ‘हाम्रो पार्टी कुनै नेताको चाहनाले चल्ने होइन, हाम्रो पार्टी विधानअनुसार चल्ने हुँदा सबै जना रचनात्मक काममा लाग्नु होला ।’

उनले आफ्नो पार्टीको जित सुनिश्चित भएको दाबी गरे । उनले भने, ‘हाम्रो पार्टीको जित सुनिश्चित छ, त्यसैले पार्टी निर्माणमा अघि बढौँ, पार्टी विकासमा एकजुट भएर लागौँ ।’