काठमाडौँ । नेपाल बार एशोसिएसनले प्रधानन्यायाधीश चोलेन्द्र शमसेर जबराले बोलाएको बार्तामा नजाने बताएको छ । प्रधानन्यायाधीश जबराले कानून व्यवसायीलाई वार्तामा आउन आह्वान गरेका थिए । तर, कानून व्यवासायीले जबरले बोलाएका वार्तामा नबस्ने निर्णय गरेका हुन् ।

बारले प्रधानन्यायाधीश जबराको राजीनामा माग गर्दै लगातार आन्दोलन गर्दै आएको छ । तर, जबराले राजीनामा नदिने बताएका छन् । प्रधानन्यायाधीशले सरकारमा भागबण्डा खोजेको, न्यायापालिकाको आँच आउने काम गरेको भन्दै कानून व्यवसायीहरुले उनको राजीनामा माग गर्दै आएका छन् ।

बारको नेतृत्वमा कानून व्यवसायी सर्वोच्च अदालतमा धर्नामा बसिरहेका समयमा नै प्रधानन्यायाधीश जबराले कानून व्यवसायीलाई वार्तामा आउन आग्रह गरेका थिए । तर कानून व्यवसायीहरुले जबराको राजीनामा नै एक मात्र विकल्प भएकाले तत्काल वार्तामा नजाने निर्णय गरेका छन् ।