काठमाडौँ । हुण्डी कारोबारको अभियोगमा कालिमाटी बस्ने सप्तरी मलेपुर गाउँपालिका ५ का २५ वर्षीय अमर नारायण दास पक्राउ परेका छन् । उनलाई नगद १६ लाख २० हजार रुपैयाँसहित प्रहरीले पक्राउ गरेको हो ।

कालिमाटी क्षेत्रमा हुण्डी कारोबार भइरहेको भन्ने सूचनाका आधारमा महानगरीय अपराध महाशाखा मिनभवनबाट खटिएको प्रहरीले उनलाई पक्राउ गरेको हो ।

उनलाई आवश्यक कारवाहीको लागि राजश्व अनुसन्धान विभाग पुल्चोक, ललितपुर पठाइएको उक्त महाशाखाले जनाएको छ ।