काठमाडौँ । काठमाडौँको कलंकीमा बसले स्कुटीलाई ठक्कर दिँदा पठाओ राइडरसहित दुई जनाको मृत्यु भएको छ ।

कलंकीबाट बल्खुतर्फ जादैँ गरेको प्रदेश ०३–०२–०१४ प ७४६३ नम्बरको स्कुटरलाई विपरित दिशा आइरहेको प्रदेश ०३–०१–००५ ख ९३०० नम्बरको बसले ठक्टर दिँदा पठाओ राइडर र यात्रुको घाइते भएका थिए ।

तत्कालै ठक्करबाट घाइते भएका स्कुटर चालक र यात्रुलाई बल्खुस्थित बयोधा अस्पताल पुर्याइएको थियो । उपचारका क्रममा दुबै जनाको मृत्यु भएको प्रहरीले जनाएको छ ।

मंगलबार साँझ भएको यो दुर्घटनामा परी धादिङ घर भई थानकोट बस्दै आएका अन्दाजी ३५ वर्षीय पठाओ राइडर रामबहादुर आचार्य र बाँके घर भई इमाडोल बस्दै आएका ५२ वर्षीय यादबकुमार शाहको मृत्यु भएको प्रहरीले जनाएको छ ।