काठमाडौँ । नेकपा एमाले १०औं महाधिवेशनको तयारी अन्तिम चरणमा रहेका छ । यही मंसिर १० देखि १२ गतेसम्म चितवनमा हुने १० औं महाधिवेशनको तयारी अन्तिम अवस्थामा पुगेको एमालेले जनाएको छ ।

एमाले नेता तथा १०औं महाधिवेशन मुल व्यवस्थापन समितिका संयोक राम बहादुर थापा बादलले महाधिवेशनको तयारी युद्ध स्तरमा भइरहेको बताए । उनले विभिन्न १२ वटा समितिले महाधिवेशनको तयारी गरिरहेको बताए । एमालेले महाधिवेशनमा पाँच लाख कार्यकर्ता परिचालन गर्ने जनाएको छ । सात प्रदेशबाट महाधिवेशनको उद्घाटन सत्रमा ल्याउने तयारी भइरहेको थापाले बताए ।

उनका अनुसार सबैभन्दा बढी बागमती प्रदेशबाट ३ लाख, लुम्बिनी र प्रदेश २ बाट १ लाख ७५ हजार कार्याकर्ता ल्याइने छ । यस्तै गण्डकी प्रदेशबाट ५० हजार, प्रदेश एकबाट २५ हजार र बाँकी कर्णाली प्रदेश र सदूरपश्चिम प्रदेशबाट ल्याउने तयारी भएको थापाले बताए ।