काठमाडौँ । सुनचाँदी बजारमा शुक्रबार छापावाल सुनको मूल्य सय रुपैयाँले घटेको छ । आज ९४ हजार ४ सय रुपैयाँमा कारोबार भइरहेको सुनचाँदी व्यवसायी महासंघले जनाएको छ ।

यस्तै, महासंघले सार्वजनिक गरेको विवरणानुसार तेजाबी सुनको मूल्य प्रतितोला ९३ हजार ९ सय रुपैयाँ कायम भएको छ । बिहीबार प्रतितोला ९४ हजार रुपैयाँमा कारोबार भएको थियो ।

आज चाँदीको मूल्य अघिल्लो कारोबार मूल्यका तुलनामा प्रतितोला पाँच रुपैयाँ घटेको छ । आज चाँदी प्रतितोला एक हजार २७५ रुपैयाँमा कारोबार भएको महासंघले जनाएको छ ।