काठमाडौं । कांग्रेसको १४ औँ महाधिवेशनमा संस्थापनइतर समूहका सभापतिका आकांक्षीद्वय प्रकाशमान सिंह र शेखर कोइरालाबीच भेटवार्ता भएको छ ।

शुक्रबार कोइराला नेता सिंहको निवास भेट्न चाक्सीबारी पुगेका हुन् । पछिल्लो केही सातायता वरिष्ठ नेता रामचन्द्र पौडेल र कोइराला परिवारका नेताहरूप्रति सिंहले तिखो शब्द प्रहार गर्दै आएका थिए भने सिंह नेताहरूको सम्पर्कमा बसेका थिएनन् ।

यसअघि बिहीबार बिहान वरिष्ठ नेता पौडेलले सिंहलाई निवासमै पुगेर भेटेका थिए । सिंह एक्लै सभापतिको तयारीमा अघि बढेका छन् ।

सभापतिमा शेरबहादुर देउवालाई यसरी एकलै उठे पराजित गर्न नसकिने भन्दै उनलाई संस्थापनइतरका नेताहरु फकाउने प्रयास गरिरहेका छन् । गत बुधबार विराटनगर विमानस्थलमा सिंह र कोइरालाबीच जम्काभेट भएको थियो ।

शेखर निकट एक नेताले भने– ‘शेखर दाईले अहिले सभापति म हुन्छु, तपाईं प्रधानमन्त्रीमा बस्नुहोला, रामचन्द्र दाइलाई राष्ट्रपति बनाऔं अहिले मिले जाऔं भन्नू भयो उता प्रकाशमान दाईले अहिले म सभापति बन्छु बरु तपाईंहरु दुई कोइरालाहरूमध्ये एक जना प्रधानमन्त्री हुनुस् । रामचन्द्र दाइलाई सम्मानित पदमा राखौँला ।’