नवलपुर । नेपाली कांग्रेसको १४ औं महाधिवेशनअन्तर्गत पूर्वी नवलपरासीको निर्वाचन क्षेत्र नम्बर १ ‘ख’मा भएको क्षेत्रीय अधिवेशनमा डा. शशांक कोइराला पक्षका हेमप्रसाद पाण्डे विजयी भएका छन् ।

पाण्डेले महेन्द्रध्वज जिसी पक्षका प्रदीपराज घिमिरेलाई पराजित गरेका हुन् । पाण्डेले २ सय ९७ मत प्राप्त गरी विजयी भएका हुन् भने घिमिरेले १ सय ९२ मत मात्रै पाए ।

चार प्रदेशसभा निर्वाचन क्षेत्र रहेको नवलपुरमा अन्य क्षेत्रमा मतगणना भइरहेको छ ।