काठमाडौं । गृहमन्त्री बालकृष्ण खाँणले नेपाली कांग्रेसको क्षेत्रीय अधिवेशनको मतगणनाका क्रममा रुपन्देहीमा भएको झडपमा घाइते शैलेन्द्र पन्तलाई भेट गरेका छन् ।
रुपन्देहीमा शनिवार कांग्रेस क्षेत्रीय अधिवेशनको मतगणना भइरहँदा झडप भएको थियो । दुइ पक्षबीचको झडपमा परी घाइते पन्तलाई आइतबार गृहमन्त्री खाँणले भेट गरी स्वास्थ्य अवस्थाको बारेमा जानकारी लिएका छन् ।
गृहमन्त्री खाँणले पन्तको शीघ्रा स्वास्थ्य लाभको कामना गरेका छन् । घाइते पन्तको अवस्था सामान्य रहेको छ ।