काठमाडौं । नेपाली कांग्रेसको आसन्न १४ औं महाधिवेशनका लागि गठित आर्थिक समितिमा १४ जना सदस्य मनोनयन भएका छन् ।

सूचना तथा संचार मन्त्रीसमेत रहेका आर्थिक समितिका संयोजक ज्ञानेन्द्रबहादुर कार्कीले १० जना सदस्य र चार जना सल्लाहकार नियुक्त गरेका हुन् ।

समितिमा उमेश श्रेष्ठ, दीपक खड्का, जीप छिरिङ लामा, मोहन आचार्य, इन्द्र बाँनिया, अनिल रुँगटा, महेश जाजु, विरेन्द्र कनौडिया, रामकृष्ण भट्टराई र दयाराम पाण्डेलाई सदस्य मनोनयन गरिएको छ ।

यस्तै, दीपकुमार उपाध्याय, दिव्यमणि राजभण्डारी, विनोद चौधरी र माल्टेन गुरुङलाई समितिको सल्लाहकारमा मनोनयन गरिएको समिति संयोजक मन्त्री कार्कीले जानकारी दिए ।