चितवन । नेकपा एमालेको अध्यक्षमा उम्मेदवारी दिएरै छोड्ने घोषणा गरेका एमाले नेता भीम रावलको पर्चा वन्दशत्र स्थलमा पुगेको छ । अध्यक्ष पदमा मेरो उम्मेदवारी किन ? भन्ने पर्चा रावल पक्षका नेता कार्यकर्ताले महाधिवेशनको वन्दशत्र स्थलमा पुराएका हुन् । उनीहरुले महाधिवेशन प्रतिनिधीलाई उक्त पर्चा वितरण समेत गरेका छन् ।

पर्चा बाँड्दै मूल गेटसम्मै पुगेका रावल पक्षका कार्यकर्ताहरुलाई स्वयंसेवकहरुले यहाँ पर्चा बाँड्न पाइँदैन भन्दै बाहिर पठाइदिएका छन् ।

रावलले पर्चामा आफुले उम्मेदवारी दिनुपर्नाको कारणबारे उल्लेख गरेका छन् । ओली पक्षका नेताहरु अझै पनि रावललाई फकाउन कसरथ गरिरहेका बेला रावल पक्षका नेता कार्यकर्ता भने वन्दसत्र स्थलमै पर्चा बोकेर पुगेका हुन् । रावल सहमतिमा आए उनलाई उपाध्यक्ष पदमै दोहोराउने ओलीको प्रस्ताव छ ।

तर रावल सहमतिमा नआए ओलीले आज वन्दशत्रमा पेश गर्ने प्रस्तावमा रावलले सहमति नजनाए उनको र ओलीको पक्षमा वन्दशत्र हलभित्रै ध्वनी मतवाट वहुमत अल्पमत गराउने तयारी एमालेले गरेको छ ।

तर रावलले भने ध्वनी मतवाट हुने चुनाव मान्य नहुने र गोप्य मतदान नै हुनेपर्ने वताईरहेका छन् ।

रावलले पर्चा आफु निकट नेता कार्यकर्तामार्फत महाधिवेशन प्रतिनिधीलाई वाड्न थालेपछि भने पर्चा हातमा लिइसकेका प्रतिनिधिहरूलाई पनि स्वयंसेवकहरुले बाहिर ननिकाल्न र खल्ती वा झोलामा राख्न आग्रह गर्दै हलभित्र छिराएका छन् ।